काठमाडौँ । नेपाली बजारमा आज सुनको मूल्यमा कुनै पनि परिवर्तन भएको छैन । गत शुक्रवार प्रतितोला १८ सय रुपैयाँले बढेको सुनको मूल्य आज भने स्थिर रहेको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला १ लाख ४६ हजार ७ सय रुपैयाँ कायम भएको छ ।
त्यस्तै आज तेजावी सुनको मूल्य पनि प्रतितोला १ लाख ४६ हजार रुपैयाँ कायम भएको छ ।
गत शुक्रवार पनि तेजावी सुनको मूल्य प्रतितोला १ लाख ४६ हजार रुपैयाँ नै कायम थियो ।
आज चाँदीको मूल्य भने घटेको छ। आज चाँदीको मूल्य २५ रुपैयाँले घट्दै प्रतितोला १ हजार ८७५ रुपैयाँमा कारोबार भइरहेको छ । त्यस्तै अन्तर्राष्ट्रिय बजारमा भने सुनको मूल्यमा सामान्य गिरावट आएको छ ।
आज सुनको मूल्य प्रतिऔंस ०.१६ प्रतिशत अर्थात् ३.८९ डलरले घटेको हो। यो गिरावटसँगै सुनको मूल्य प्रतिऔंस २ हजार ४११.६७ डलर कायम भएको छ।
