काठमाडौं । नेपाल सोलार फार्म लिमिटेडले विशेष साधारण सभा बोलाएको छ । सभा सार्वजनिक निष्कासनको एजेन्डा सहित बोलाइएको हो ।
वैशाख १५ गते बसेको कम्पनीको सञ्चालक समितिको बैठकले जेठ १ गते काठमाडौँको वाफलस्थित कम्पनीकै केन्द्रीय कार्यालयमा बस्ने गरी विशेष साधारण सभा बोलाएको छ ।
सभामा कम्पनीको प्रबन्ध पत्र तथा नियमावलीमा संशोधनलगायतका प्रस्ताव पेश गरिने जनाइएको छ ।
यसै गरी कम्पनीले सर्वसाधारण सेयर जारी गर्न नियमनकारी निकायबाट निर्देशन भएमा सोही बमोजिम थपघट, परिवर्तन वा संशोधन गर्न सञ्चालक समितिलाई अख्तियारी दिने विशेष प्रस्ताव पनि सभामा पेश गरिने जनाइएको छ ।
