काठमाडौं । सर्वोत्तम पेन्ट्स लिमिटेडले १० प्रतिशत बोनस सेयर वितरण गर्ने प्रस्तावसहित पाँचौँ वार्षिक साधारण सभा आह्वान गरेको छ। कम्पनीको सञ्चालक समितिको ८६औँ बैठकले आगामी असोज २५ गते साधारण सभा गर्ने निर्णय गरेको हो।
कम्पनीका अनुसार सभा आइतबार दिउँसो १ बजे कैलालीको गोदावरी–२, अत्तरियास्थित होटल जंगल स्पा प्रा.लि.मा हुनेछ।
सभामा कम्पनीको चुक्ता पूँजीको १० प्रतिशत बोनस सेयर वितरण गर्ने प्रस्ताव पेस गरिनेछ। यस्तै, प्रस्तावित बोनस सेयरमा लाग्ने कर प्रयोजनका लागि १७ लाख ८९ हजार ४७४ रुपैयाँ नगद लाभांश वितरण गर्ने प्रस्तावसमेत सभामा लैजाने कम्पनीले जनाएको छ।
यसअनुसार कम्पनीले सेयरधनीलाई १० प्रतिशत बोनस सेयरसँगै बोनस सेयरमा लाग्ने कर प्रयोजनका लागि नगद लाभांश उपलब्ध गराउने प्रस्ताव गरेको छ।
साधारण सभा तथा लाभांश वितरण प्रयोजनका लागि कम्पनीले असोज १३ गते बुक क्लोज गर्ने भएको छ। त्यसैले असोज १२ गतेसम्म कायम सेयरधनीले मात्र साधारण सभामा सहभागी हुन तथा प्रस्तावित लाभांश प्राप्त गर्न सक्नेछन्।
सभामा प्रस्तुत हुने अन्य प्रस्ताव तथा निर्णयसम्बन्धी विवरण कम्पनीले सार्वजनिक गरेको सूचनाअनुसार अघि बढाइनेछ।
