काठमाडौँ। नेपाली बजारमा आज सुनको मूल्यमा गिरावट आएको छ। गत शुक्रवार प्रतितोला २ हजार रुपैयाँले घटेको सुन साताको पहिलो कारोबारका दिन पुनः ओरालो लागेको हो ।
नेपाल सुनचाँदी व्यवसायी महासंघका अनुसार आज छापावाला सुनको मूल्य १३ सय रुपैयाँले घट्दै प्रतितोला १ लाख ४६ हजार २ सय रुपैयाँ कायम भएको छ। गत शुक्रवार छापावाला सुनको मूल्य १ लाख ४७ हजार ५ सय रुपैयाँमा कारोबार भएको थियो ।
त्यस्तै आज तेजावी सुनको मूल्य मा१३ सय रुपैयाँले घट्दै प्रतितोला १ लाख ४५ हजार ५ सय रुपैयाँ कायम भएको छ । यता चाँदीको मूल्य पनि घटेको छ । चाँदीको मूल्य २० रुपैयाँले घट्दै प्रतितोला १ हजार ८१० रुपैयाँमा कारोबार भइरहेको छ।
