काठमाडौँ । नेपाली बजारमा एकाएक नयाँ रेकर्ड कायम गरेको सुनको मूल्यमा दैनिक रुपमा गिरावट आएको छ । आज सुनको मूल्य तोलामा एक सय रुपैयाँले घटेको छ ।
नेपाल सुनचाँदी ब्यवसायी महासंघका अनुसार आज सुनको मूल्य प्रतितोला एक लाख ५२ हजार २०० रुपैयाँमा कारोबार भइरहेको छ ।
यता, चाँदी तोलामा १० रुपैयाँले बढेको छ ।
चाँदी प्रतितोला एक हजार ८२० रुपैयाँमा कारोबार भइरहेको छ । साथै आज अन्तराष्ट्रिय बजारमा सुनको मूल्यमा गिरावट आएको छ ।
आज सुनको मूल्य ०.२६ प्रतिशत अर्थात प्रतिऔंस ६.५० डलरले घटेको हो । अन्तराष्ट्रिय बजारमा सुनको मूल्य प्रतिऔंस २ हजार ४९९ डलरमा कारोबार भईरहेको छ ।
