काठमाडौँ । साताको दोस्रो कारोबारका दिन नेपाली बजारमा सुनको मूल्य सामान्य अंकले घटेको छ । आज सुन प्रतितोला १०० रुपैयाँले घटेको हो ।
नेपाल सुनचाँदी व्यवसायी महासंघका अनुसार सोमबार सुनको मूल्य तोलामा एक लाख ४८ हजार ७०० रुपैयाँ कायम भएको छ। आइतबार तोलाको एक लाख ४८ हजार ८०० रुपैयाँमा सुनको कारोबार भएको थियो ।
यता, चाँदीको मूल्य तोलाको १ हजार ७१५ रुपैयाँमा कायम भएको छ । अघिल्लो दिन यसको मूल्यमा प्रतितोला १ हजार ७२० रुपैयाँ कायम थियो ।
