काठमाडौँ । साताको पहिलो कारोबारका दिन नेपाली बजारमा सुनको मूल्यमा सामान्य गिरावट आएको छ । गत शुक्रवार प्रतितोला १३ सय रुपैयाँले बढेको सुनको मूल्यमा आज भने मूल्य १२ सय रुपैयाँले घटेको छ ।
नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला १ लाख ५२ हजार १ सय रुपैयाँ कायम भएको छ । गत शुक्रवार छापावाला सुनको मूल्य प्रतितोला १ लाख ५३ हजार ३ सय रुपैयाँ कायम थियो ।
आज चाँदीको मूल्य पनि घटेको छ । चाँदीको मूल्य ४५ रुपैयाँले घट्दै प्रतितोला १ हजार ७५० रुपैयाँमा कारोबार भइरहेको छ ।
