काठमाण्डौ। एभरेष्ट बैंक लिमिटेडले सेयरधनीहरुलाई ५ वर्षभन्दा पुरानो नगद लाभांस रकम बुझिलिन आग्रह गरेको छ।
बैंकले एक सूचना जारी गर्दै विभिन्न साधारण सभाबाट पारित भएको ५ वर्षभन्दा पुरानो नगद लाभांस बुझिलिन आग्रह गरेको हो ।
बैंकले आव २०५५/५६ देखि २०७५/७६ सम्मको लाभांश रकम बुझिलिन बाँकी सेयरधनीको संख्या र जम्मा रकम बारे जानकारी प्रकाशित गरेको छ । जसमा आव २०७५र७६ मा सबैभन्दा बढी अर्थात ११ हजार ४४२ जना सेयरधनीले लाभांश रकम बुझिलिन बाँकी रहेको छ ।
बैंकबाट लाभांश पूर्जा लिई भुक्तानी लिन बाँकी तथा लाभांश पूर्जा हालसम्म पनि लिन नआएका सेयरधनीहरुलाई आफ्नो सेयर प्रमाणपत्ररडिम्याट खाताको विवरण, सेयरसम्बन्धी कागजात र परिचयपत्र लिई बैंकको सेयर शाखामा सम्पर्क राखी लाभांश रकमको भुक्तानी लिन आग्रह गरेको छ ।
उल्लेखित ५ वर्षभन्दा पुरानो भुक्तानी हुन बाँकी लाभांशसँग सम्बन्धित सेयरधनीहरुको नामसहितको विवरण बैंकको आधिकारीक वेबसाइटमा राखिएको बैंकले जारि गरेको सूचनामा भनिएको छ ।
