काठमाडौं। सानिमा रिलायन्स लाइफ इन्सुरेन्स कम्पनी लिमिटेड चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार कम्पनीको खुद नाफा ९६.४८ प्रतिशतले बढेर चालु आर्थिक वर्षको दोस्रो त्रैमासमा २१ करोड ९७ लाख ३० हजार रुपैयाँ पुगेको छ । गत वर्षको यसै अवधिमा भने कम्पनीले ११ करोड १८ लाख रुपैयाँ खुद नाफा कमाएको थियो ।
समिक्षा अवधिमा कम्पनीको खुद बिमा शुल्क १३७.०५ प्रतिशतले बढेर २ अर्ब ६२ करोड रुपैयाँ पुगेको छ । यस्तै कम्पनीको लगानी तथा कर्जाबाट हुने आम्दानी ७४ करोड ४५ लाख रुपैयाँ पुगेको छ।
यस अवधिमा कम्पनीको बिमा कोषको आकार १६.३० प्रतिशतले बढेर १२ अर्ब ६९ करोड रुपैयाँ भन्दा बढी पुगेको छ । साथै कम्पनीको रिटेन्ड अर्निङ ९२ करोड १५ लाख रुपैयाँ रहेको छ ।
चुक्ता पुँजी ४ अर्ब १८ करोड ४० लाख रहेको कम्पनीको दोस्रो त्रैमाससम्मको यस अवधिमा प्रतिसेयर आम्दानी १० रुपैयाँ ५० पैसा रहेको छ ।
