काठमाडौँ । चालु आर्थिक वर्षको आठ महिनाको अवधिमा देशका विभिन्न ठाउँमा जुवा तास खेल्ने एक हजार आठ सय १७ जनालाई प्रहरीले पक्राउ गरेको छ। प्रहरी प्रधान कार्यालयले दिएको जानकारी अनुसार चालु आर्थिक वर्षको साउनदेखि फागुन मसान्तसम्म देशका विभिन्न भागमा जुवा तास खेल्ने उल्लेखित सङ्ख्याका जुवाडे पक्राउ परेका हुन् ।
पक्राउ पर्नेमा काठमाडौँ उपत्यकाबाट ७ सय ७९, कोसी प्रदेशबाट १ सय १५, बाग्मती प्रदेशबाट १ सय १३, गण्डकी प्रदेशबाट २ सय ९९, लुम्बिनी प्रदेशबाट ९४, कर्णाली प्रदेशबाट १ सय ४ र सुदूरपश्चिम प्रदेशबाट ३ सय १३ जना रहेका छन्।
यो बिचमा प्रहरीले उनीहरूको साथबाट दुई करोड ६३ लाख ४५ हजार चार सय रुपैयाँ बरामद गरेको केन्द्रीय प्रहरी प्रवक्ताले जानकारी दिएका छन् ।
यसै गरी दोस्रो पटकदेखि जुवा खेल्ने वा खेलाउनेलाई एक वर्षसम्म कैद र ५० हजार रुपैयाँसम्म जरिबाना र त्यसपछिको कसुरमा पटकैपिच्छे थप तीन महिनासम्म कैद र १० हजार रुपैयाँसम्म जरिबाना गर्ने व्यवस्था रहेको छ ।
