काठमाडौं। ब्रिटिश एजुकेशन ग्रुपअन्तर्गत सञ्चालित तथा द ब्रिटिश कलेज, काठमाडौंको भगिनी संस्था ब्रिटिश मोडल कलेज (BMC) ले अर्को महत्वपूर्ण उपलब्धि हासिल गरेको छ।
ब्रिटिस मोडल कलेज (BMC) का विद्यार्थीहरूले 'आउटस्ट्यान्डिङ क्याम्ब्रिज लर्नर अवार्ड २०२५' मा तीनवटा राष्ट्रिय पदक हात पार्दै कलेजको साखलाई थप उचाइमा पुर्याएका छन्। ब्रिटिस काउन्सिल सर्भिस नेपालद्वारा फागुन ५ गते (१७ फेब्रुअरी २०२६) सोल्टी होटलमा आयोजित भव्य समारोहमा ती उत्कृष्ट विद्यार्थीहरूलाई सम्मान गरिएको हो।
क्याम्ब्रिज एसेसमेन्ट इन्टरनेशनल एजुकेशन (CAIE) द्वारा नोभेम्बर २०२४ को परीक्षा शृङ्खलामा उत्कृष्ट नतिजा ल्याउने नेपाली विद्यार्थीहरूमध्ये ब्रिटिस मोडल कलेजका निम्न विद्यार्थीहरूले शीर्ष स्थान हासिल गरेका छन्:
खुस्बु निङ्लेकु (AS Level Biology) – नेपाल टपर (Top in Nepal): खुस्बुले जीवविज्ञान विषयमा नेपालभरिमै सबैभन्दा उच्च अंक प्राप्त गरी स्वर्ण पदक सरहको सम्मान प्राप्त गरेकी छिन्।
प्रतिक्षा घिमिरे (AS Level Economics) – नेपाल टपर (Top in Nepal): अर्थशास्त्र विषयमा उत्कृष्ट दख्खल राख्दै प्रतिक्षाले नेपाल टपरको उपाधि जितेकी छिन्।
जेन्सा श्रेष्ठ (AS Level Sociology) – हाई एचिभमेन्ट (High Achievement): समाजशास्त्र विषयमा जेन्साले आफ्नो असाधारण क्षमता प्रदर्शन गर्दै 'हाई एचिभमेन्ट' अवार्ड प्राप्त गरेकी छिन्।
समारोहमा नेपालका ख्याति प्राप्त शिक्षाविद्, विद्यालय सञ्चालक तथा विद्यार्थीहरूको उपस्थिति रहेको थियो। कलेजले आफ्ना विद्यार्थीहरूको यो सफलतालाई उनीहरूको कडा परिश्रम, शिक्षकहरूको कुशल मार्गदर्शन र कलेजको गुणस्तरीय शैक्षिक वातावरणको प्रतिफलका रूपमा लिएको छ।
अवार्डका बारेमा बोल्दै ब्रिटिस एजुकेशन ग्रुपका 'हेड अफ स्कूल्स' राजन राईले भन्नुभयो:
"हामी ब्रिटिस मोडल कलेजमा सधैं उत्कृष्ट शैक्षिक संस्कृति र नवप्रवर्तनलाई प्रोत्साहन गर्छौं। हाम्रा विद्यार्थीहरूले विश्वव्यापी मञ्चमा प्रतिस्पर्धा गर्न सक्ने क्षमता देखाएका छन्। यी अवार्डहरूले उनीहरूको निरन्तर लगाव र हाम्रो संस्थाको दूरदृष्टिलाई प्रमाणित गरेको छ। हामी आगामी दिनमा पनि भविष्यका नेतृत्वकर्ताहरू उत्पादन गर्न प्रतिबद्ध रहनेछौँ।"
आउटस्ट्यान्डिङ क्याम्ब्रिज लर्नर अवार्डको बारेमा:
यो अवार्ड क्याम्ब्रिज इन्टरनेशनल परीक्षामा विश्वभरका उत्कृष्ट प्रदर्शन गर्ने विद्यार्थीहरूलाई प्रदान गरिन्छ। यसले विद्यार्थीहरूको शैक्षिक लगनशीलता र विषयवस्तुमाथिको दख्खललाई सम्मान गर्दै उनीहरूलाई थप उच्च शिक्षाका लागि प्रोत्साहित गर्दछ।
ब्रिटिस मोडल कलेज र द ब्रिटिस कलेज काठमाडौंले यो गरिमामय मञ्च उपलब्ध गराई नेपाली विद्यार्थीहरूको क्षमतालाई पहिचान गरिदिएकोमा ब्रिटिस काउन्सिल सर्भिस नेपालप्रति आभार व्यक्त गरेको छ।
