काठमाडौं । नेपाली बजारमा शुक्रबार सुनको मूल्य वृद्धि भएको छ। नेपाल सुनचाँदी व्यवसायी महासंघका अनुसार छापावाल सुन प्रतितोला २ लाख ८५ हजार रुपैयाँ कायम भएको छ।
अघिल्लो कारोबार दिनको तुलनामा सुनको मूल्य प्रतितोला १ हजार रुपैयाँले बढेको हो। बिहीबार सुन प्रतितोला २ लाख ८४ हजार रुपैयाँमा कारोबार भएको थियो।
त्यस्तै, १० ग्राम सुनको मूल्य पनि बढेर आज २ लाख ४४ हजार ३४० रुपैयाँ पुगेको छ, जुन अघिल्लो दिन २ लाख ४३ हजार ४८५ रुपैयाँ रहेको थियो।
यसैगरी, चाँदीको मूल्यमा पनि वृद्धि देखिएको छ। शुक्रबार चाँदी प्रतितोला ५० रुपैयाँले बढ्दै ४ हजार ३६० रुपैयाँ पुगेको छ। बिहीबार चाँदी प्रतितोला ४ हजार ३१० रुपैयाँमा कारोबार भएको थियो।
