काठमाडौँ । विशेष अदालतले सम्पत्ति शुद्धीकरणसम्बन्धी मुद्दामा व्यवसायी दीपक भट्ट र शुलभ अग्रवाललाई थुनामा पठाउने आदेश दिएको छ।
यसअघि सोही विषयको अर्को मुद्दामा थुनामा रहेका भट्ट र अग्रवाललाई नयाँ मुद्दामा बयान तथा थुनछेक बहसका लागि अदालतमा उपस्थित गराइएको थियो। दुवै जनाको बयान तथा थुनछेक बहसपछि विशेष अदालतका अध्यक्ष बासुदेव आचार्य र सदस्य हेमन्त रावलको इजलासले उनीहरूलाई थुनामा राख्ने आदेश दिएको हो।
सोही प्रकरणमा पक्राउ परेका पूर्वअर्थमन्त्री विष्णु पौडेललाई भने विशेष अदालतले साधारण तारिखमा रिहा गर्ने आदेश दिएको थियो।
