काठमाडौँ । नेपाल सुनचाँदी व्यवसायी महासंघका अनुसार साताको पहिलो कारोबार सुनको भाउ स्थिर रहेको जनाएको छ । महासंघले आज नेपाली बजारमा शुक्रवारकै मूल्यमा सुनचाँदीको कारोबार भइरहेको जानकारी दिएको हो ।
महासंघका अनुसार आज छापावाल सुनको मूल्य तोलामा १ लाख १५ हजार ५०० र तेजाबी सुनको मूल्य तोलामा १ लाख १४ हजार ९५० रुपैयाँ कायम रहेको छ । गत साताको शुक्रवार समेत यही मूल्य सुनको कारोबार भएको थियो ।
यस्तै, आज चाँदीको मूल्य समेत स्थिर रहेर कारोबारमा आएको छ । महासंघले आज चाँदीको मूल्य तोलामा १४ सय ५० रुपैयाँ कायम रहेको जनाएको छ । गत साताको शुक्रवार चाँदीको कारोबार यही मूल्यमा भएको थियो ।
सुनको मूल्य स्थिर रहनुका कारण अन्तर्राष्ट्रिय बजार नै प्रमुख कारण भएको नेपाल सुन चाँदी व्यवसायी महासंघको भनाई छ । सामान्यतया अरु महिनाको तुलनामा मङ्सिर महिनालाई लगनको महिनाको रूपमा हेरिने भएको कारण सुन चाँदीको कारोबार बढ्ने महासंघको भनाई छ ।
