काठमाडौँ । केन्द्रीय अनुगमन समितिले बजार अनुगमनलाई तीव्रता दिने निर्णय गरेको छ । आइतबार सिंहदरबारमा बसेको केन्द्रीय अनुगमन समितिको बैठकले यस्ताे निर्णय गरेको हो ।
भारतले चामलको निर्यातमा रोक लगाएपछि नेपाली बजारमा चामलको मूल्य बढेको बताइएको छ । समितिको बैठकले अनुगमनका क्रममा बिचौलियाको पहिचान गरी कारबाही गर्ने निर्णय गरेको छ ।
बैठकले महामारीको रुपमा फैलिएको लम्की स्किन नियन्त्रण गर्ने पनि निर्णय गरेको छ ।
बैठकमा मुख्य सचिव डा. बैकुण्ठ अर्यालसहित वाणिज्य, गृह र कृषि सचिवलगायतको सहभागी रहेका थिए ।
