काठमाडौँ । बिर्तामोडमा मेडिकल व्यवसायी दुर्गा प्रसाईँका कार्यकर्ताले दुई बैंकको शाखामा तोडफोड गरेका छन्।
प्रसाईँको ‘राष्ट्र राष्ट्रियता धर्म संस्कृति र नागरिक बचाउ अभियान’अन्तर्गत बिर्तामोडमा भएको र्यालीमा केही युवाको समूहले बिर्तामोडको रहेका दुई बैंकमा तोडफोड गरेका हुन् ।
बिर्तामोड स्थित एभरेष्ट बैंक र ज्योति विकास बैंकको शाखा कार्यालयमा प्रसाईँका समर्थकले तोडफोड गरेको हुन् । जसमध्ये ४ जनालाई प्रहरीले नियन्त्रणमा लिइएको छ ।
पक्राउ पर्नेहरूमा बिर्तामोड नगरपालिका–५ का अन्जेश राई, बिर्तामोड नगरपालिका–३ का मनकुमार तामाङ, बुद्वशान्ती गाउँपालिका–४ का दीपेश राई र पवन दुलाल छन् । बाँकीको खोजी कार्य भइरहेको प्रहरीले जानकारी दिएको छ ।
बिर्तामोड–५ को सिटी सेन्टर अगाडिबाट सुरु भएको र्याली मुक्ति चोकतर्फ जाँदै गर्दा सोही समूहका १२- १५ जनाले ज्योति विकास बैंक र एभरेष्ट बैंकको शाखा कार्यालय तोडफोड गरेका हुन् । तोडफोडबाट बैंकको सिसाहरू फुटेका छन् ।
