काठमाडौँ। चालु आर्थिक वर्ष २०८१/८२ को ११ महिनाको अवधिमा विकास बैंकहरुले ५ अर्ब ३० करोड रुपैयाँ नाफा कमाएका छन्। नेपाल राष्ट्र बैंकको तथ्यांक अनुसार गत आवको सोही अवधिको तुलनामा विकास बैंकहरुको नाफामा सुधार देखिएको छ ।
गत आवको ११ महिनामा विकास बैंकहरुले ४ अर्ब ६५ करोड ७३ लाख रुपैयाँ मात्रै नाफा कमाएका थिए। त्यसकारण यस वर्षको नाफा गत आवको सोही अवधिको तुलनामा १३.८१ प्रतिशत धेरै हो ।
त्यस्तै, सोही अवधिमा गरिमा विकास बैंकले १ अर्ब १ करोड, शाइन रेसुङ्खा डेभलपमेन्ट बैंकले ७३ करोड ८८ लाख, कामना सेवा विकास बैंकले ६६ करोड ९३ लाख, सांग्रिला डेभलपमेन्ट बैंकले ५६ करोड २९ लाख, महालक्ष्मी विकास बैंकले ५३ करोड ४४ लाख रुपैयाँ नाफा कमाएका छन्।
यता, ज्योति विकास बैंकले ४३ करोड ६४ लाख, लुम्बिनी विकास बैंकले २१ करोड ७३ लाख, मितेरी डेभलपमेन्ट बैंकले ११ करोड ३५ लाख, सिन्धु विकास बैंकले ८ करोड ६ लाख, ग्रीन डेभलपमेन्ट बैंकले २ करोड ७५ लाख, र कर्पोरेट डेभलपमेन्ट बैंकले १ करोड ९५ लाख रुपैयाँ नाफा कमाएको तथ्यांमा उल्लेख छ ।
साथै चालु आवको ११ महिनाको अवधिमा बढी घाटा बेर्होनेमा एक्सेल डेभलपमेन्ट बैंक रहेको छ। यस बैंकले ७ करोड १३ लाख रुपैयाँ, नारायणी डेभलपमेन्ट बैंकले ७ करोड ५ लाख रुपैयाँ र कर्पोरेट डेभलपमेन्ट बैंकले २ करोड ६४ लाख रुपैयाँ घाटा बेहोरेको केन्द्रीय बैंकको तथ्यांकमा उल्लेख छ।
