काठमाडौं । नेपाली बजारमा बिहीबार सुनको मूल्य घटेको छ । नेपाल सुनचाँदी व्यवसायी महासंघले जनाए अनुसार आज सुन प्रतितोला ११ सय रुपैयाँले घटेको हो ।
आज सुन प्रतितोला १ लाख ५१ हजार ९०० रुपैयाँमा कारोबार भइरहेको छ । अघिल्लो दिन सुन प्रतितोला १ लाख ५३ हजार रुपैयाँमा किनबेच भएको थियो ।
आज चाँदीको भाउ पनि तोलामा ५ रुपैयाँले घटेर १ हजार ८३० रुपैयाँ प्रतितोलाका दरले किनबेच भइरहेको नेपाल सुनचाँदी व्यवसायी महासंघले जनाएको छ ।
