काठमाडौं । डोङफेङ मोटरले इजिप्टको काहिरामा आयोजना गरिएको विशेष कार्यक्रममा आफ्ना नौ नयाँ मोडेल आधिकारिक रूपमा सार्वजनिक गरेको छ। “East Wind Infinite World” थिमअन्तर्गत इजिप्ट इन्टरनेशनल एक्जिबिसन सेन्टरमा सम्पन्न यो कार्यक्रममा कम्पनीले कम्प्याक्ट एसयुभी, सेडान, इलेक्ट्रिक र हाइब्रिड गाडीहरू प्रदर्शन गर्यो।
उक्त मोडेलमा MAGE ICE र SHINE ICE समावेश छन् भने इलेक्ट्रिक र हाइब्रिड गाडीहरूमा DONGFENG BOX, DONGFENG 007, MAGE EV, VOYAH FREE, VOYAH DREAM, VOYAH PASSION र MHERO 917 रहेका छन्।
उद्घाटन कार्यक्रममा सरकारी अधिकारी, व्यवसायी र अटोमोबाइल प्रेमीहरूको ठूलो सहभागिता रहेको थियो।
यस लन्चसँगै डोङफेङले इजिप्टको बजारमा औपचारिक प्रवेश गरेको छ र आधुनिक मोबिलिटी समाधानको बढ्दो माग पूरा गर्न विभिन्न उत्पादनहरूको श्रृंखला प्रस्तुत गरेको छ। नौ मोडेलको यो प्रस्तुतीकरणले कम्पनीले परम्परागत र न्यू इनर्जी गाडी दुवै प्रकारका ग्राहकको आवश्यकतालाई ध्यानमा राखेको देखाएको छ।
विशेषज्ञहरूले यस लन्चलाई डोङफेङको अन्तर्राष्ट्रिय उपस्थिति विस्तार गर्ने र इजिप्टको अटोमोबाइल बजारसँग अझ बलियो सम्बन्ध बनाउन महत्वपूर्ण कदमको रूपमा मूल्यांकन गरेका छन्।
