काठमाडौँ। बैंकिङ कसुरसम्बन्धी मुद्दामा पक्राउ परेका सेफ सन्तोष साह धरौटी बुझाएर रिहा भएका छन्। प्रहरीले जनाएको अनुसार उनले बिगो बराबरको रकम बुझाएपछि हाजिर जमानीमा छोडिएको हो।
जिल्ला अदालत काठमाडौँबाट अनुमति लिएर प्रहरीले उनलाई धनुषाको जनकपुरधामबाट पक्राउ गरेको थियो। सोही प्रकरणमा अर्का एक व्यक्तिलाई पनि नियन्त्रणमा लिइएको थियो।
उनीविरुद्ध काठमाडौँको गैरीधारास्थित एक रेस्टुरेन्ट खरिदका क्रममा पूर्ण रकम भुक्तानी नगरेको आरोप लगाइएको छ। पीडित पक्षले सोही आधारमा बैंकिङ कसुरअन्तर्गत मुद्दा दायर गरेको थियो।
हाल साह रिहा भए पनि मुद्दाको अनुसन्धान भने जारी रहेको प्रहरीले जनाएको छ।
