काठमाडौँ । नेपालको पहिलो बैंकको रूपमा स्थापित भएको नेपाल बैंक लिमिटेडले ग्राहक सेवालाई प्रभावकारी बनाउने उद्देश्यले अत्याधुनिक कल सेन्टर सेवा सञ्चालनमा ल्याएको छ।
बैंकले ग्राहकहरूमा भएको सेवा सम्बन्धी जानकारी दिने उद्देश्यले र आफ्नो सुविधालाई उत्कृष्ट बनाउनका निमिक्त सो कल सेन्टर सञ्चालनमा ल्याएको जानकारी गराएको छ । कल सेन्टरमार्फत बैंकले विभिन्न गतिविधि तथा सूचनामूलक जानकारी प्रदान गर्नेछ। बैंकले सेवाग्राहीबाट बैंकको सेवा प्रवाहसम्बन्धी सुझाव पनि लिनेछ।
बैंकले कल सेन्टरका ०१५९७१२२२, १६६००१३७३७३ नम्बर तोकेको छ । बैंकले उत्कृष्ट ग्राहक सेवाका लागि यो कल सेन्टर सञ्चालनमा ल्याएको जानकारी दिएको छ। साथै, कल सेन्टरले बैंक र ग्राहकबिचको सेवालाई अझ उत्कृष्ट र सरल बनाउँदै बैंक र ग्राहकसँगको सम्बन्धलाई समयसापेक्ष,अद्यावधिक र सुमधुर बनाउने विश्वास लिएको बैंकको धारणा छ ।
