काठमाडौं । नेपाल एसबिआई बैंक लि. र एइसी ग्लोवल नेपाल प्राइभेट लिमिटेड एइसीसी बिच बिदेशमा अध्ययन गर्न जाने बिध्यार्थीहरु लक्षित शैक्षिक कर्जा सहज रुपमा प्रदान गर्ने सम्बन्धि सम्झौता पत्रमा हस्ताक्षर भएको छ ।
उक्त सम्झौता पत्र, बैंकका तर्फबाट प्रमूख कर्जा अधिकृत अर्जून नेपाल र एइसीसीका तर्फबाट कम्पनीका निर्देशक अजित सिङ बिच आदान प्रदान भएको थियो ।
यस सम्झौताले विदेशमा अध्ययनका लागि जाने विद्यार्थीहरूलाई शैक्षिक कर्जा प्राप्त गर्ने प्रक्रियालाई सहज बनाउने लक्ष्य राखेको छ ।
सो कार्यक्रममा बैंक तथा एइसीसीका अन्य पदाधिकारीहरु समेतको उपस्थिति थियो ।
हाल बैंकले १०० शाखा, २२ एक्सटेन्सन काउण्टर, ७ प्रदेश कार्यालय, १० शाखारहित बैंकिङ सेवा, १२१ एटीएम र १ कर्पोरेट कार्यालय मार्फत सेवा प्रदान गर्दै आएको छ ।
