कठमाडौं । यूनिभर्सल पावर कम्पनीले लाभांश घोषणा गरेको छ ।
कम्पनीले गत आर्थिक वर्षको नाफाबाट सेयर धनीलाई ९ प्रतिशत लाभांश दिने बताएको छ । जसमा बोनस ८.५५ प्रतिशत रहेको छ भने कर प्रयोजनका लागि ०.४५ प्रतिशत नगद लाभांश रहेको छ ।
कम्पनीले पुस २९ गते वार्षिक साधारण सभा बोलाएको छ । आर्थिक वर्ष २०७५/०७६ देखि चार आर्थिक वर्षको सभा बोलाएको छ । सभा प्रयोजनका लागि पुस १८ गते बुक क्लोज गर्ने जनाएको छ ।
पुस १७ गतेसम्म कायम रहेका शेयर धनीले कम्पनीले तोकेको लाभांश पाउनेछन् भने सभामा भाग लिन पाउनेछन् ।
