काठमाडौं । नेपाल उद्योग वाणिज्य महासंघ आफ्नो विधानमा शंशोधन गर्दै वरिष्ठ उपाध्यक्ष स्वतः अध्यक्ष बन्ने व्यवस्था हटाएको छ ।
यो सँगै महासंघको अध्यक्ष चयनका लागि प्रत्यक्ष निर्वाचन प्रणाली लागू हुने भएको छ । मंगलबार बसेको महासंघको विशेष साधारणसभाले यस सम्बन्धी निर्णय गर्दै आगामी अध्यक्ष प्रत्यक्ष निर्वाचनबाट चयन हुने व्यवस्था गरेको हो ।
तर, हालका वरिष्ठ उपाध्यक्ष अञ्जन श्रेष्ठ भने स्वतः अध्यक्ष बन्नेछन् । उनीपछिका अध्यक्ष भने प्रत्यक्ष चुनावमार्फत चयन हुनेछन्।
यस्तै अब वरिष्ठ उपाध्यक्ष पनि कार्यसमितिबाट चयन गरिने व्यवस्था गरिएको छ। महिला सहभागितालाई प्राथमिकता दिँदै कार्यसमितिमा महिला उपाध्यक्ष राख्नुपर्ने व्यवस्था समेत महासंघको शंशोधित विधानमा गरिएको छ ।
महिला उपाध्यक्ष पनि कार्यकारिणी समितिबाट चयन गरिनेछ ।
