काठमाडौँ । यस साताको लागि अन्तिम कारोबारका दिन शेयर बजारमा गिरावट आएको छ । अघिल्लो दिन फराकिलो अंकले बढेको शेयर बजारमा आज भने दोहोरो अंकको गिरावट आएको छ ।
दशैंको मुखमा नै उच्च अकंले बढेको बजारमा गिरावट आउँदा लगानीकर्तामा निराशा छाएको छ । नेपाल धितोपत्र बोर्डको नयाँ अध्यक्ष चयन हुने विषयले ऊर्जा जगाएको बजारमा आज गिरावट आएको हो ।
नेपाल स्टक एक्सचेन्ज ९नेप्से० २६.०७ अकंले घटेर २५९७.४९ बिन्दुमा कायम भएको छ । आज ३१० कम्पनीको १ करोड ५१ लाख ९९ हजार ७६३ कित्ता शेयर किनबेच हुँदा ६ अर्ब ७७ करोड ८१ लाख ९५ हजार रुपैयाँको कारोबार भएको छ ।
यसदिन फाइनान्स समूहको शेयर मूल्यमा मात्र सुधार दिएको छ । आज बजारमा गिरावट आउँदा १२ उपसूचक भने राताम्य भएका हुन् । यसदिन ५४ कम्पनीको शेयर मूल्य बढ्दा १८७ कम्पनीको शेयर मूल्य घटेको छ ।
बजारमा गिरावट आउँदा थ्रीस्टार हाइड्रोपावर र स्वराजगार लघुवित्तको सेयरमा सकरात्मक सर्किट लाएको छ । त्यसैगरी, इष्टर्न हाइड्रोपावर, अपरहेवाखोला हाइड्रोपावरलगायतको कम्पनीको सेयर मूल्य बढेको छ ।
