काठमाडौं । साताको दोस्रो कारोबारका दिन समेत शेयर बजारको ओरालो यात्राले निरन्तता पाएको छ । बजारमा लगानीकर्ताको आत्मबल कमजोर बन्दै जादा बजार दैनिक रुपमा ओरालिन थालेको छ ।
शेयर बजारको प्रमुख शत्रु मानिएको बैंक ब्याजदरहरू पनि घटिरहेका छ । तर, बजारमा सुधार आउन सकिरहेको छैन् । असोज महिनामा नौ वटा बैंकले ब्याजदर घटाएका छन्, तथापि, यसका बावजूद बजारमा सकारात्मक परिवर्तन आएको छैन ।
नेपाल स्टक एक्सचेञ्ज (नेप्से) ५७.०३ अकंले घटेर २५८०.७६ बिन्दुमा कायम भएको छ। आज ३१२ कम्पनीको १ करोड ७० लाख ६१ हजार ८०७ कित्ता शेयर किनबेच हुँदा ७ अर्ब ३६ करोड १९ लाख रुपैयाँको शेयर कारोबार भएको हो ।
यसदिन १३ वटै उपसूचक राताम्य भएका छन् । आज बैंकिङ समूहको १.५९ प्रतिशत, विकास बैंक समूहको २.७२ प्रतिशत, फाइनान्स समूहको ५.६६ प्रतिशत, होटल तथा पर्यटन समूहको २.७९ प्रतिशतसहित १३ वटै उपसूचक घटेका हुन्।
