काठमाडौँ । साताको पहिलो कारोबारका दिन दिन नेप्से ओरालो लागेको छ। पछिल्लो केही साता यता बजारमा निरन्तर रूपमा ओरालो यात्राको तय भएको छ ।
लगानीकर्ता दशैंको खर्च जोहो गर्ने शेयर बिक्री तिर हाबी हुँदा बजार निरन्तर ओरालो लागि रहेको हो केही विश्लेषकहरूको भनाई छ । भने केहीले बजारको गिरावटलाई चलखेलको रूपमा समेत व्याख्या गरेका छन् ।
नेपाल स्टक एक्सचेन्ज (नेप्से) २२.३६ अकंले घटेर २४६४.४० बिन्दुमा कायम भएको छ। आज ३२७ कम्पनीको १ करोड ३ लाख ११ हजार ८८५ कित्ता शेयर किनबेच हुँदा ४ अर्ब ५ करोड ६ लाख ५८ हजार रुपैयाँमा कारोबार सीमित बनेको छ।
आइतबार १२ उपसूचक राताम्य भएका छन् । यसदिन बैंकिङ समूहको ०.७४ प्रतिशत, विकास बैंक समूहको ०.८९ प्रतिशत, फाइनान्स समूहको १.९१ प्रतिशत, होटल तथा पर्यटन समूहको १.४७ प्रतिशतले शेयर मूल्य घटेको छ ।
उक्त दिन अपर स्याङ्गे हाइड्रोपावर, एनएमबि सुलभ इन्भेष्टमेन्ट फण्ड, अपर हेवाखोला हाइड्रोपावर, मकर जितुमाया सुरी हाइड्रोपावर, पाँथथर पावर कम्पनीलगायतको सेयर मूल्य घटेको छ ।
