काठमाडौं । प्रोग्रेशिभ फाइनान्स लिमिटेडको संस्थापक शेयर बिक्रीमा रहेको छ । कम्पनीले संस्थापक शेयरधनीको नाममा रहेको शेयर बिक्रीमा राखेको हो।
उक्त शेयर संस्थापक शेयरधनीले खरीद नगरेपछि सर्वसाधारणका लागि बिक्री खुला गरिएको हो। कम्पनीले बिक्रीमा राखिएको शेयर सङ्ख्या भने खुलाएको छैन ।
शेयर किन्न इच्छुक व्यक्ति वा संघसंस्थाले आवश्यक पर्ने कागजात सहित १५ दिनभित्र फाइनान्सको कम्पनी सचिवको कार्यालयमा निवेदन पेश गर्नु पर्नेछ ।
साथै बिक्री गर्ने संस्थापकको नाम र बिक्री मूल्यको बारेमा कम्पनी सचिवको कार्यालयमा सम्पर्क गरी बुझ्न सकिने सूचनामा उल्लेख गरिएको छ ।
