काठमाडौं । साताको चौथो कारोबारका दिन नेप्सेमा फेरि सुधार आएको छ । अघिल्लो दिन करेक्सन आएको पुँजि बजारमा आज सुधार देखिएको हो । उक्त दिन बजार ३४.२९ अंकले बढेर २९५७.७५ को विन्दुमा कायम भएको छ ।
दिनभर उतारचढाव आएको बजारमा दाहोरो अंकको सुधार आएको हो । आज नेप्सेमा कारोबार भएको आज ३३२ कम्पनीको ५ करोड १२ लाख ३० हजार ३४० कित्ता शेयर किनबेच हुँदा २३ अर्ब ४३ करोड ५ लाख ८१ हजार रुपैयाँको कारोबार भएको छ ।
आज बजारमा बढोत्तरी आउँदा दश वटा उपसूचक हरियाली भएको छ ।आज सबैभन्दा बढी हिमालयन रिइन्स्योरेन्सको सेयर सर्वाधिक कारोबार भएको छ । कम्पनीको ८६ करोड ५८ लाख ५८ हजार रुपैया बराबरको कारोबार भएको छ ।
त्यस्तै दोस्रो स्थानमा सर्वाधिक कारोबार सहित शिभम् सिमेन्टको ८४ करोड २९ लाख ७२ हजार रुपैयाँ बराबरको सेयर खरिद बिक्री भएको छ । त्यस्तै उक्त दिन अपी पावर कम्पनीको ७५ करोड ५९ लाख ४६ हजार रुपैयाँ, नेपाल फाइनान्सको ६१ करोड ६४ लाख ७ हजार रुपैयाँ कारोबार भएको हो ।
