काठमाडौं। चालु आर्थिक वर्षको पहिलो १० महिनामा वैदेशिक रोजगारीमा जान श्रम स्वीकृति लिनेको संख्या ६ लाख ९ हजार ७०५ पुगेको छ । यो अघिल्लो वर्षको सोही अवधिको भन्दा ७.६५ प्रतिशतले कम हो । यसअघि अघिल्लो आर्थिक वर्ष २०७९–०८० को सोही अवधिमा वैदेशिक रोजगारीमा जानको लागि विभागबाट ६ लाख ६० हजार २५५ जनाले श्रम स्वीकृति लिएका थिए ।
विभाग दिएको सुचना अनुसार २०८० साउनमा ५५ हजार ५७५, भदौमा ५० हजार ८८४, असोजमा ५६ हजार २३५, कात्तिकमा ४३ हजार ६२२ र मंसिरमा ७१ हजार २७६, जनाले वैदेशिक रोजगारीमा जान श्रम स्वीकृति लिएका छन् ।
यसैगरी, पुसमा ६५ हजार ८१३, माघमा ६२ हजार १४७, फागुनमा, ६५ हजार ६५८, चैतमा ७० हजार ९३३ र वैशाखमा ७० हजार ६३७ जनाले वैदेशिक रोजगारीमा जान श्रम स्वीकृति लिएका छन् । विभागका अनुसार यो संख्या नयाँ श्रम स्वीकृति लिएर पुनः श्रम स्वीकृति लिएर जानेको हो ।
