काठमाडौं । साताको पहिलो दिन नै सकारात्मक दिशामा लागेको शेयर बजार आज कारोबारको दोस्रो दिन पनि उकालो लागेको छ।
कारोबार साताको दोस्रो दिन नेप्से परिसूचक दोहोरो अंकले बढेको छ । कारोबारको अघिल्लो दिन पनि बढेको शेयर बजार आज ३८ दशमलव १४ अंकले बढेर २०६०.४९ को विन्दुमा कायम भएको छ ।
शेयर बजार बढेसँगै सोमबार नेप्सेमा कारोबार भएका १६५ कम्पनीको शेयरमा हरियाली छाएको छ । जसमा नौ कम्पनीको शेयरमूल्यमा सकारात्मक सर्किट लागेको छ ।
आज नेप्सेमा कारोबार भएको ३०५ कम्पनीको २ करोड १४ करोड ९७ लाख ६१९ हजार कित्ता सेयर किनबेच हुँदा ६ अर्ब ८६ करोड ८१ लाख ७७ हजारको कारोबार भएको छ । बजारमा बढोत्तरी आएसँगै १२ वटा उपसूचकमा हरियाली छाएको छ ।
सोमबार बोटलर्स नेपाल, स्वरोगजगार लघुवित्त, जीवन विकास लघुवित्त, सूर्यज्योति लाइफ, बिपिडब्लु लघुवित्त, हाथवे इन्भेष्टमेन्ट, मुक्तिनाथ कृषि कम्पनी लगायतको शेयरमा सकारात्मक सर्किट लागेको छ ।नेप्से उकालो लाग्दा आज हिमाल दोलखाको सर्वाधिक खरिदबिक्रि भएको छ।
