काठमाडौँ । बुद्धभुमि नेपाल हाइड्रोपावर कम्पनी लिमिटेडको नोक्सानी चुलिएको छ । कम्पनीले सार्वजनिक गरेको गत आर्थिक वर्षको चौथो त्रैमासिकसम्मको अपरिष्कृत वित्तीय विवरण अनुसार २ करोड २५ लाख रुपैयाँ नोक्सानीमा पुगेको हो।
अघिल्लो आर्थिक वर्षमा कम्पनीको नोक्सानी १ करोड ४९ लाख रुपैयाँ रहेको थियो। विद्युत् बिक्री आम्दानी घटेसँगै नोक्सानी बढ्न पुगेको हो।
साथै, कम्पनको कुल नाफा १४ करोड १ लाख रुपैयाँबाट १३ करोड ६२ लाख रुपैयाँमा झरेको छ। समीक्षा अवधिमा कम्पनीको कुल खर्च भने ६ करोड २७ लाख रुपैयाँबाट बढेर ७ करोड २६ लाख रुपैयाँ पुगेको छ। गत असार मसान्तसम्ममा कम्पनीको प्रतिसेयर आम्दानी ५ रुपैयाँ ६५ पैसा ऋणात्मक रहेको छ भने प्रतिसेयर नेटवर्थ ७७ रुपैयाँ १४ पैसा रहेको छ।
कम्पनीको रिटेन्ड अर्निङ्ग १० करोड ४७ लाख रुपैयाँ ऋणात्मक रहेको छ भने चुक्ता पुँजी ४० करोड रुपैयाँ रहेको छ ।
