काठमाडौं । शिव श्री हाइड्रोपावर लिमिटेडको वार्षिक साधारण सभा आज (आइतबार) बस्दैछ । काठमाडौँस्थित अनुपम फुडल्याण्ड एन्ड ब्यांकेटमा सभा बिहान ११ बजेबाट सुरु हुनेछ । सभामा आर्थिक वर्ष २०८०/८१ को सञ्चालक समितिको वार्षिक प्रतिवेदन, वासलात, नाफा नोक्सानलगायतका विषयमा छलफल हुनेछ ।
त्यस्तै, आर्थिक वर्ष २०८१/८२ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ ।
साथै, सभाले नयाँ सञ्चालक नियुक्त गर्नेछ । सभा प्रयोजनार्थ कम्पनीले जेठ ३० गते बुक क्लोज गरिसकेको छ । त्यसैले जेठ २९ गतेसम्म कायम सेयरधनीले मात्र सभामा सहभागिता जनाउन सक्नेछन् ।
