काठमाडौं । सूर्यज्योति लाइफ इन्स्योरेन्स कम्पनीको गाईघाट शाखाले घातक रोगबापतको दाबी रकम भुक्तानी गरेको छ।
इन्स्योरेन्स कम्पनीले उदयपुरको त्रियुगा–१ जोगिदहमा मंसिर २ गते आयोजित एक कार्यक्रममा बीमित बलराम चौधरीलाई करकट्टा गरी बाँकी दाबी रकमबराबरको चेक हस्तान्तरण गरेको छ ।
चौधरीले २०७८ असोज २२ मा जारी ज्योति सुरक्षित बचत जीवन बीमा योजना लिई अतिरिक्त सुविधाअन्तर्गत घातक रोगविरुद्धको सुरक्षा लिएका थिए।
उनलाई अकस्मात मस्तिष्कघात भएको हुँदा घातक रोगबापतको ३ लाख रुपैयाँ हस्तान्तरण गरेको छ।
उक्त चेक कम्पनीका शाखा प्रबन्धक कमला खबासले हस्तान्तरण गरेकी हुन ।
