काठमाडौं । साताको पहिलो कारोबार दिन सेयर बजार राताम्य भएको छ । नेपाल स्टक एक्सचेञ्ज (नेप्से) परिसूचक ४३ दशमलव ८९ अंकले घटेर २,५१३.४२ को विन्दुमा कायम भएको हो ।
आज दिनभरिमा ३४७ कम्पनीको ९३ लाख २२ हजार १८५ कित्ता सेयर किनबेच हुँदा ३ अर्ब ६४ करोड ८६ लाख ९ हजार ८७८ रुपैयाँको कारोबार भएको छ ।
सोमबार २१ कम्पनीको सेयर मूल्य बढ्दा २५३ कम्पनीको सेयर मूल्य घटेको छ भने ४ कम्पनीको स्थिर रहेको छ ।
आज सबैभन्दा धेरै शिवम् सिमेन्टको शेयर कारोबार भएको छ । आज यस कम्पनीको २६ करोड ३८ लाख रुपैयाँको सेयर कारोबार भएको छ । त्यस्तै, सर्वोत्तम पेन्ट्सको १५ करोड ९१ लाख रुपैयाँ र रिलायन्स स्पीनिङ मिल्सको १२ करोड १४ लाख रुपैयाँको सेयर कारोबार भएको छ ।
सोमबार सबैभन्दा धेरै उपकार लघुवित्त वित्तीय संस्थाका लगानीकर्ताले कमाएका छन् । आज यस कम्पनीका लगानीकर्ताले १३ दशमलव १६ प्रतिशतका दरले कमाएका छन् । घोराही सिमेन्टका लगानीकर्ताले ७ दशमलव ५७ प्रतिशतका दरले र एनआइसी एशिया डिबेञ्चरका इकाईधनीले ६ प्रतिशतका दरले कमाएका छन् ।
त्यस्तै, आज सबैभन्दा धेरै मैलुङ खोलाका लगानीकर्ताले गुमाएका छन् । आज यस कम्पनीका लगानीकर्ताले १४ दशमलव ९८ प्रतिशतका दरले गुमाएका हुन् ।
