काठमाडौं । काठमाडौं उपत्यकाको फोहोर लैजाने क्रममा सिसडोलमा प्रहरी र स्थानीयबीच झडप भएकाे छ । बञ्चरेडाँडा ल्याण्डफिल साइटमा उपत्यकाको फोहोर लैजाने क्रममा झडप भएको हाे ।
शहरी विकास मन्त्रालय र काठमाडौं उपत्यकाका स्थानीय तहको अनुरोधमा प्रहरी स्कर्टिङमा फोहोर लैजाने क्रममा स्थानीयले अवरोध गरेपछि सिसडोल क्षेत्रमा झडप भएको स्थानीयले बताएका छन् ।
काठमाडौंमा फोहोर लोड भएका गाडी लिएर नेपाल प्रहरीले स्कर्टिङमा लगेको थियो ।
तर, सिसडोलमै स्थानीयले रोकेपछि प्रहरी र स्थानीयबीच झडप भएको हो ।
काठमाडौं उपत्यकाको फोहोर बिसर्जनमा सिसडोल र बञ्चरेडाँडावासीले अपराेध गर्दै आएका छन् ।
