काठमाडाैं । नेपाल हाइड्रो डेभलपरले आर्थिक वर्ष २०७९–८० को चौथो त्रैमासिक वित्तिय विवरण सार्वजनिक गरेको छ । यस अवधिमा सम्ममा ३ करोड ८३ लाख खुद नाफा आर्जन गरेको छ ।
कम्पनीले अघिल्लो आर्थिक वर्षको सोही अवदीमा २ करोड १ लाख कमाएको थियो । वित्तीय वितरण अनुसार अघिल्लो आर्थिक वर्षको तुलनामा खुद नाफा ९०.१० प्रतिशतले बढेको छ ।
यस अवधिमा विद्युत विक्री आम्दानी १० करोड ५ लाख रहेको छ भने अघिल्लो आर्थिक वर्षको सोही अवधिमा ९ करोड ४२ लाख रहेको थियो ।
विद्युत बिक्री आम्दानी बढेसँगै विद्युत विक्री वितरण खर्च घट्दा नाफा बढेको हो । हाल कम्पनीको चुक्तापुँजी ३३ करोड ५९ लाख रहेको छ भने जगेडाकोष ४ करोड २७ लाख रहेको छ ।
कम्पनीको प्रति सेयर आम्दानी ११.४१ रुपैयाँ रहेको छ अघिल्लो बर्ष ६.३० रुपैयाँ रहेको थियो । नेटवर्थ ११२.७२८ रुपैयाँ रहेको छ ।
