काठमाडौं । अवैध सम्बन्धबाट जम्नेको नवजात शिशु बिक्री गरेको आरोपमा एकजना पक्राउ परेका छन् । कोशी अस्पताल विराटनगरका पूर्वमेडिकल सुपरिटेन्डेन्ट डा. तपेश्वरलाल कर्ण अवैध सम्बन्धबाट जम्नेको नवजात शिशु बिक्री गरेको आरोपमा पक्राउ परेका हुन् ।
डा.कर्णले विराटनगरस्थित ग्रिनक्रस अस्पतालमा असार १४ गते जन्मिएकी नवजात शिशुलाई मोरङका सूर्यनारायण राजवंशी निःसन्तान दम्पतीलाई ५ लाख रुपैयाँमा बिक्री गरेका थिए ।
कर्णसँग उक्त शिशु खरिद गर्ने दम्पती पनि पक्राउ परेका छन् । डा. कर्णलाई गत शुक्रबार प्रहरीले नियन्त्रण लिने प्रयास गर्दा बिरामीको बहानामा कोशी अस्पतालमा भर्ना भएकोमा मंगलबार डिस्चार्ज भएपछी हिरासतमा लिइएको हो ।
कोशी अस्पतालमा झण्डै अढाई दशक स्त्री रोग विभागमा काम गरेर सेवा निवृत्त भएका कर्ण २०७० चैत १९ देखि २०७१ असोज १४ गतेसम्म यो अस्पतालको मेडिकल सुपरिन्टेण्डेन्ट थिए ।
