काठमाडौ। कामना सेवा विकास बैंक लिमिटेडले ३५ लाख इकाई अर्थात, ३५ करोड रुपैयाँ बराबरको अविमोच्य असञ्चिति अग्राधिकार सेयर जारी गर्ने भएको छ । यस बैंकको असार १७ गते बसेको सञ्चालक समिति बैठकले ९ प्रतिशत लाभांश दर कायम गरी मुनाफा भएको वर्ष मात्र मुनाफा वितरण हुने गरी अग्राधिकार सेयर बिक्री गर्न लागेको हो ।
यो कुनै सुरक्षण नराखी व्यक्तिगत तबरबाट संस्थागत लगानीकर्ताहरको लागि मात्र बिक्री गरिने सूचनामा उल्लेख छ । बैंकको आगामी वार्षिक साधारण सभा तथा नेपाल राष्ट्र बैंकबाट स्वीकृत प्राप्त भएपछि अग्राधिकार सेयर बिक्रीको प्रकृया अघि बढ्नेछ ।
