काठमाडौँ। गुडविल फाइनान्स लिमिटेडले संस्थापक सेयर बिक्रीमा ल्याएको छ । कम्पनीले १ लाख कित्ता शेयर बिक्रीमा ल्याएको हो । कम्पनीले संस्थापक सेयरधनीको स्वामित्वमा रहेको उक्त संस्थापक सेयर आजदेखि बिक्रीमा राखेको हो ।
हाल उक्त सेयर खरिदका लागि कम्पनीका विद्यमान संस्थापक शेयर धनीहरूले मात्रै आवेदन दिन सकिने छ ।। सेयर खरिद गर्न इच्छुक संस्थापक शेयर धनीहरूले सूचना प्रकाशित भएको ३५ दिनभित्र काठमाण्डौको हात्तीसारमा रहेको कम्पनीको केन्द्रीय कार्यालयमा के–कति दरमा खरिद गर्न चाहेको उल्लेख गरी आवेदन दिनुपर्नेछ ।
निर्धारित मितिभित्र सेयर खरिदका लागि कुनै आवेदन नआएमा अन्य व्यक्ति तथा कम्पनीलाई सेयर बिक्री गरिने कम्पनीले जनाएको छ ।
