काठमाडौं – जेनजी आन्दोलनका क्रममा भएको आगजनी र तोडफोडबाट सवा २२ अर्ब रुपैयाँभन्दा बढीको बीमा दाबी परेको छ । नेपाल बीमा प्राधिकरणले असोज ५ गतेसम्म संकलन गरेको तथ्यांकअनुसार १४ वटा निर्जीवन र ४ वटा लघु निर्जीवन बीमा कम्पनीमा जम्मा २ हजार ४७८ वटा दाबी दर्ता भई २२ अर्ब २५ करोड ६५ लाख रुपैयाँ बराबरको क्षतिपूर्ति माग गरिएको हो ।
बीमा कम्पनीमध्ये सबैभन्दा धेरै दाबी ओरिएन्टल इन्स्योरेन्समा परेको छ।
७३ वटा दाबी
क्षतिपूर्ति माग: ५ अर्ब २२ करोड ९८ लाख रुपैयाँ
सिद्धार्थ प्रिमियर इन्स्योरेन्स – २७९ दाबी, ५ अर्ब ८ करोड २८ लाख रुपैयाँ
आईजीआई प्रुडेन्सियल इन्स्योरेन्स – १७० दाबी, २ अर्ब ७६ करोड ८४ लाख रुपैयाँ
शिखर इन्स्योरेन्स – ३७४ दाबी, २ अर्ब ३९ करोड ३३ लाख रुपैयाँ
सगरमाथा लुम्बिनी इन्स्योरेन्स – २५७ दाबी, १ अर्ब ५४ करोड ५६ लाख रुपैयाँ
हिमालयन एभरेष्ट इन्स्योरेन्स – १९६ दाबी, १ अर्ब १५ करोड ६२ लाख रुपैयाँ
नेको इन्स्योरेन्स – २११ दाबी, १ अर्ब ११ करोड ८३ लाख रुपैयाँ
अन्य कम्पनीहरूमा:
सानिमा जीआईसी – ८१ करोड ७ लाख रुपैयाँ
युनाइटेड अजोड – ५१ करोड ३४ लाख रुपैयाँ
नेपाल इन्स्योरेन्स – ४७ करोड ९ लाख रुपैयाँ
एनएलजी इन्स्योरेन्स – ४५ करोड ७२ लाख रुपैयाँ
राष्ट्रिय बीमा कम्पनी – ४० करोड ९९ लाख रुपैयाँ
प्रभु इन्स्योरेन्स – २० करोड ३६ लाख रुपैयाँ
नेसनल इन्स्योरेन्स – ६ करोड ८४ लाख रुपैयाँ
लघु निर्जीवन बीमा कम्पनी
लघु बीमा कम्पनीतर्फ दाबीको परिमाण कम देखिएको छ।
प्रोटेक्टिभ माइक्रो – १ करोड १३ लाख रुपैयाँ
स्टार माइक्रो – ७२ लाख ३८ हजार रुपैयाँ
ट्रस्ट माइक्रो – ४४ लाख रुपैयाँ
नेपाल माइक्रो – ४१ लाख ५० हजार रुपैयाँ
क्षेत्रगत हिसाबले क्षति
क्षेत्रगत दृष्टिले हेर्दा, सबैभन्दा बढी क्षति सम्पत्ति बीमामा भएको छ।
सम्पत्ति बीमा – ५३८ दाबी, १८ अर्ब ६१ करोड ८ लाख रुपैयाँ (८३.६१%)
मोटर बीमा – १,७७८ दाबी, २ अर्ब ९५ करोड २६ लाख रुपैयाँ
इन्जिनियरिङ तथा ठेकेदार जोखिम बीमा – १३२ दाबी, ३३ करोड ३६ लाख रुपैयाँ
परिवहन बीमा – ११ दाबी, १ करोड ५५ लाख रुपैयाँ
अन्य बीमा – १९ दाबी, ३४ करोड ३८ लाख रुपैयाँ
नेपाल बीमा प्राधिकरणले सार्वजनिक गरेको प्रारम्भिक तथ्यांकअनुसार, जेनजी आन्दोलनले बीमा क्षेत्रमै ठूलो वित्तीय दबाब सिर्जना गरेको देखिन्छ। सबैभन्दा धेरै दाबी सम्पत्ति बीमा र मोटर बीमातर्फ परे पनि, ठूलो रकम भने औद्योगिक र व्यावसायिक सम्पत्तिमा भएको क्षति मार्फत दाबी गरिएको छ।
