काठमाडौँ । नेपाली बजारमा सुनको मूल्य निरन्तर रूपमा घटेको छ । अघिल्लो दिन १७ सय रुपैयाँले घटेको सुनको मूल्य आज १५ सय रुपैयाँले घटेको हो ।
प्रतितोला १५ सय रुपैयाँको गिरावट आएको सुनको मूल्य आज तोलामा १ लाख ९२ हजार रुपैयाँ कायम भएको नेपाल सुनचाँदी व्यवसायी महासंघले जनाएको छ । अघिल्लो दिन सुनको मूल्य प्रतितोला १ लाख ९३ हजार ५ सयमा कारोबार भएको थियो ।
यस्तै आज चाँदीको मूल्य पनि घटेको छ । चाँदी आज २० रुपैयाँले घट्दै प्रतितोला २ हजार १४० रुपैयाँ कायम भएको महासंघले जनाएको छ ।
