काठमाडौँ । नेपाल माइक्रो इन्स्योरेन्स कम्पनी लिमिटेडको खुद नाफा चालू आर्थिक वर्षको अन्त्यसम्म आइपुग्दा ४३.९१ प्रतिशतले घटेको छ। कम्पनीले हालसम्म जम्मा १६ लाख ५७ हजार रुपैयाँ नाफा कमाएको छ, जुन अघिल्लो आर्थिक वर्षको २९ लाख ५४ हजार रुपैयाँको तुलनामा झण्डै आधा हो।
प्रिमियम संकलनमा भने कम्पनीले उल्लेखनीय प्रगति गरेको छ।
यद्यपि, लगानी आम्दानी घट्नु र दाबी भुक्तानी बढ्नुले कम्पनीको नाफामा नकारात्मक असर पारेको देखिन्छ। कम्पनीको लगानी आम्दानी १३.०६ प्रतिशतले घटेर ३ करोड ९७ लाख रुपैयाँमा सीमित भएको छ। साथै, कम्पनीले यस वर्ष ५ करोड ३८ लाख रुपैयाँ बराबरको दाबी भुक्तानी गरेको छ, जुन अघिल्लो वर्षको ६६ लाख रुपैयाँको तुलनामा ७०७.५४ प्रतिशतले बढी हो।
वर्तमानमा कम्पनीको चुक्तापूँजी ७५ करोड रुपैयाँ छ। बीमा कोषमा १७ करोड १९ लाख रुपैयाँ र महाविपत्ती कोषमा ४ लाख रुपैयाँ मात्र संचित छ।
यो अवधिसम्म कम्पनीको प्रति शेयर आम्दानी ३४ पैसाबाट २२ पैसामा झरेको छ। कम्पनीको प्रतिसेयर नेटवर्थ ९९.८६ रुपैयाँ रहेको छ भने कायम बीमा पोलिसी संख्या १ लाख ६ हजार ५५३ पुगेको छ।
