काठमाडौँ। प्रभु महालक्ष्मी लाइफ इन्स्योरेन्स कम्पनीले विलम्ब शुल्कमा छुट दिने भएको छ। कम्पनीले व्यतीत भएका बीमालेखहरू नवीकरणमा लाग्ने विलम्ब शुल्कमा ७५ प्रतिशत छुट दिने निर्णय गरेको हो ।
कम्पनीबाट जारी भएको बीमालेखहरू तोकिएको प्रक्रिया पुरा गरी आज देखि ३१ गतेसम्म नवीकरण गरेमा विलम्ब शुल्कमा ७५ प्रतिशत छुट पाइने कम्पनीले एक सूचना मार्फत जनाएको छ ।
साथै, यस योजनामा समावेश भएर नवीकरण भएका बीमालेखहरू नवीकरण भएको दुई वर्षभित्र समर्पण हुन आएमा दिइएको छुट कट्टा गरिने, पहिले नै छुट सुविधा प्राप्त गरेकालाई यो योजना लागु नहुने र यस्तो सुविधा बीमा अवधिभर एक पटक मात्र पाइने कम्पनीले बताएको छ ।
