काठमाडौं। बीमा प्राधिकरणको अध्यक्ष सम्बन्धी मुद्दामा अदालतले छानबिन समितिको प्रतिवेदन झिकाउन आदेश दिएको छ। शरद ओझाले दायर गरेको मुद्दामा आजको सुनुवाइका क्रममा न्यायाधीश विनोद शर्मा र श्रीकान्त पौडेलको संयुक्त इजलासले प्रतिवेदनको फाइल झिकाउन आदेश जारी गरेको हो।
यसअघि अदालतले अल्पकालिन अन्तरिम आदेश जारी गर्दै अध्यक्षको अवस्था यथास्थितिमा राख्ने निर्णय गरेको थियो। तर अर्थ मन्त्रालयले यसैबीच अध्यक्षको जिम्मेवारी सहसचिव जनकराज शर्मालाई सुम्पिएको छ।
ओझाले सरकारले गरेको निलम्बन र अदालतको अपहेलना सम्बन्धी दुईवटा मुद्दा दायर गरेका थिए, जसको संयुक्त सुनुवाइ भइरहेको छ।
आगामी सुनुवाइ मंसिर २८ गते तय गरिएको छ। यस निर्णयपछि अदालतले अन्तरिम आदेश जारी गर्ने वा हालको अल्पकालिन आदेश खारेज गर्ने विषयमा छानबिन समितिको प्रतिवेदनलाई विचार गर्नेछ।
