काठमाडौँ । नेपालमा सञ्चालित लघु जीवन बीमा कम्पनीहरूले चालु आर्थिक वर्षको माघ माघ मसान्तसम्ममा ६२ करोड ५२ लाख रुपैयाँको व्यवसाय गरेका छन् ।
नेपाल बीमा प्राधिकरणले प्रकाशित गरेको विवरण अनुसार हाल सञ्चालित तीन जीवन बीमा कम्पनीहरूले सात महिनाको अवधिमा उक्त रकम बराबरको व्यवसाय गरेका हुन्।
प्राधिकरणले प्रकाशित गरेको विवरण अनुसार गार्डियन माइक्रो लाइफले ५ लाख २४ हजार ४१२ वटा बीमा पोलिसी बिक्री गरी २४ करोड ५१ लाख रुपैयाँ बराबरको कुल बीमा शुल्क आर्जन गरेको छ ।
त्यस्तै, क्रेष्ट माइक्रो लाइफले १ लाख ३८ हजार ७३० वटा बीमा पोलिसी बिक्री गर्दै कुल २२ करोड ८४ लाख रुपैयाँ र लिबर्टी माइक्रो लाइफले ८३ हजार ६५८ वटा बीमा पोलिसी बिक्री गरी कुल १५ करोड १६ लाख रुपैयाँ बराबरको बीमाशुल्क आर्जन गरेका छन् ।
