काठमाडौँ। नेपाल राष्ट्र बैंकको प्रवक्तामा किरण पण्डित नियुक्त भएका छन् ।
राष्ट्र बैंकको निर्णयअनुसार पण्डितले अब बैंकको आधिकारिक सूचना सम्प्रेषण तथा सार्वजनिक सञ्चार व्यवस्थापनको जिम्मेवारी सम्हाल्ने भएका छन् । पण्डितले आर्थिक, मौद्रिक र वित्तीय नीति तथा राष्ट्र बैंकका गतिविधिबारे सञ्चार माध्यमलाई समयमै सूचना उपलब्ध गराउने दायित्व निर्वाह गर्नेछन् ।
राष्ट्र बैंकका अनुसार प्रवक्ताको रूपमा उनको कार्यकाल बुधवारदेखि औपचारिक रूपमा सुरु भएको हो । पण्डितको कार्यकालमा बैंकको सूचना प्रवाह थप पारदर्शी र प्रभावकारी हुने अपेक्षा गरिएको छ ।
