काठमाडौँ । सूर्यज्योति लाइफ इन्स्योरेन्सले व्यतित बीमालेख पुनर्जागरणका लागि आकर्षक छुट योजना सार्वजनिक गरेको छ । कम्पनीले २०८२ असार १५ देखि २८ गतेसम्म लागू हुने गरी व्यतित बीमालेखमा लाग्ने विलम्ब शुल्कमा अधिकतम ५० प्रतिशतसम्म छुट दिने योजना ल्याएको हो ।
पाँच वर्ष ननाघेका बीमालेखहरूमा ५० प्रतिशत र पाँच वर्ष नाघिसकेका बीमालेखहरूमा ३५ प्रतिशतसम्म छुट प्रदान गरिने कम्पनीले जनाएको छ ।
इन्स्योरेन्सका अनुसार बीमालेख नवीकरण गर्दा लाग्ने ब्याजमा दिइने छुट शर्तसहितको हुनेछ।
यो सुविधा बीमा अवधिभरमा एकपटक मात्र प्राप्त गर्न सकिने कम्पनीले जनाएको छ । साथै २०८३ असार १५ सम्म परिपक्व हुने बीमालेखहरूमा भने यो योजना लागू नहुने प्रस्ट पारिएको छ।
