ल्भउबष् िएबष्कब
उपकरण मर्मत सकिएलगत्तै उत्पादन सुरु गरिने उनले बताए । “उद्योगलाई आवश्यकपर्ने करिब ४ सय मेट्रिक टन कच्चापदार्थ कोइला जगेडा राखिएको र बाँकी थप कोइला खरिद गर्न बोलपत्र आह्वान गरी सम्बन्धित पक्षलाई स्वीकृति प्रदान गरिसकेका छौं, त्यसैले मर्मत सकिएलगत्तै काम सुरु गर्छौं”, महाप्रबन्धक पाण्डेले बताए ।
उक्त उद्योग करिब साढे २ महिनाअघि आर्थिक अभावले बन्द भएकोमा भदौ तेस्रो सातादेखि सिमेन्ट उत्पादन सुरु गरेको थियो ।
विसं २०३३ मा हेटौंडाको लामसुरेमा तत्कालीन श्री ५ सरकारले १ अर्ब ५० करोडको लगानीमा उद्योग स्थापना गरी विसं २०४३ मंसीर २६ गतेदेखि व्यावसायिक उत्पादन सुरु भएको थियो । हाल यस उद्योगमा प्रशासन, भण्डारण, बजार व्यवस्थापन, चुनढुंगा खानी र मजदुर कर्मचारीलगायत १८० जनाले प्रत्यक्ष रोजगारी प्राप्त गरिरहेका छन् । उद्योगसँग दैनिक १८ हजार बोरा उत्पादन गर्ने क्षमता भए पनि पछिल्लो समय १० हजार बोरामात्र उत्पादन हुने गरेको जनाइएको छ ।रासस
