काठमाडौं । कुमारी बैंक लिमिटेडले संस्थापक शेयर बिक्रीमा ल्याएको छ । बैंकले ८ हजार ८९२ कित्ता शेयर सर्वसाधारणका लागि बिक्रीमा ल्याएको हो ।
बैंकले संस्थापक शेयरधनी शुसिल थापाको शेयर बिक्रीमा ल्याएको हो । सो शेयरको मूल्य बिक्रेताले तोकेबमोजिम हुने बैंकले जनाएको छ ।
उक्त शेयर खरिदको पहिलो हक विद्यमान संस्थापक शेयरधनीहरुलाई रहेको थियो । तोकिएको समयावधिभित्र कुनै संस्थापक शेयरधनीले शेयर खरिद गर्न नचाहेपछि सर्वसाधारणलाई बिक्री खुला गरिएको हो ।
सो शेयर खरिद गर्न इच्छुक व्यक्ति वा संस्थाले आवश्यक कागजातसहित ३५ दिनभित्र बैंकको शेयर रजिष्ट्रार, कुमारी क्यापिटल लिमिटेड नक्साल काठमाडौं वा बैंकको प्रधान कार्यालय टंगाल काठमाडौंमा आवेदन दिन सक्नेछन् ।
